كيف هو رمضانكم

السلام عليكم
رمضان كريم عليكم
كل عام وانتم بخير
نعلم ان كل اعضاء من ويلايات مختلفة وكاين حتى من بلد غير الجزائر
رجاء من كل وحدة تحكيلنا كيف رمضان عندهم واذ امكن تعطينا صور اكلات الي يقدموهم وكيف استقبال الشهر الكريم
لكي نتعرف على عادات بعض
يالله كل لؤلؤة تدخل وتحكيلنا


ان طرحت موضوع لكي ارى ردود لاتخيبوني ولاتردوا اوكي

اين ردود انتم موعندكم رمضان :بببببببببببببب

السلام عليكم
اشكرك حبيبتي سماح على موضوعك الرائع والذي من خلاله نتعرف عن عاداتنا وتقاليدنا المختلفة
اولا اتقدم اليكم واقول لكن رمضان كريم وكل عام وانتم بالف خير وان شاء الله تصومو بالصحة والستر ان شاء الله
بالنسبة الى رمضان عندنا هذا الشهر هو شهر المحبة والتسامح تكثر فيه روح الاخوة والصدقة.........الخ
فنحن في مدينة وهران ننتظر رمضان بفارغ الصبر ونحضر له كل شيء سواء اكل او لاادري الاواني فبالنسبة لعاداتنا احنا العائلية في الاسبوع التالي من شهر شعبان نشتري اواني والمستلزمات الرمضانية
اما بالنسبة للماكولات تعتبر الحررة هي الوجبة الرئيسية لكان مانحطوهاش الاولة الطابلة ماتشوفوهاش وهاهي صورة الحريرة للي مايعرفهاش


وايضا البوراك والزيتون والبرقوق والبطاطا المقلية والسلطة والفواكه والمشروبات.....
اما بالنسبة للسهرة تاتي بعد صلاة التراويح نسهرو على الأتاي والقهوة والبقلاوة والزلابية والشامية الي الوهارنة كامل يحبوها
اما في الصحور نتصحرو بالطعام والحليب مع العنب
وكاين لي يقولو الكسكسي

اما في ليلة 27 نديرو الرقاق بالدجاج هاهي صورتو واصحاب الشرق يقولولو الشخشوخة



وفي العيد المبارك نديرو مجموعة من الحلويات الحلوة لي مشهورة في وهران هي الطورنو ونديرو المخبز والخنيدلات والصابلي .......

سامحنني فانا لااعرف كيف اعبر ان شاء الله يكو عجبكم الرمضان عندنا في وهران راكم معروضين عندنا

رمضانكم رائع
غدا لي عودة صح سحوركم

رمضانكم كريم راح نحكيلك اختي سماح كغاش يجي رمضان لينا حنا كما قالت ايمان في شهر شعبان نشرو مستلزمات رمضان يعني الاواني والدوزان تاع رمضان ( حبة حلاوة.فلفل احمر.زعفران..............) يعني نجهزوهم اقبل بوقت ومباعد اليوم الاول تاع رمضان نطيبو شربة وكباب ولحم حلو وخبز الدار والدجاج مانيش عارفة اذا كنتو سامعين بهذي الاكلات او لا المهم ويوم 10رمضان نطيبو شخشوخة وكذلك يوم 20 رمضان و يوم 27 رمضان نطيبو تكلة اسمها البيصار ويوم العيــــــــد نطيبو الشخشوخة والحلويات (شاراك .بقلاوة.مشوك.تزيريات..............) مشكورة اختي على الموضوع رااااااائـــــــــــــع