حملة لا للثورة فالجزائر" نحبوا بلادنا وحابين نعيشوا في سلم .....موضوع للنقاش

السـلام عليـكم ورحمـة الله وبركـــــــاتهـ

صحـا عيدكم وكـل عام والشعــــــــب الجزائري بألف خيـــــــر
وبلادنا بألف خييييييييير

هادا الموضوع هو عبارة عن حملة بعنوان

لا للثورة فالجزائر ونحن ضد اي واحد يحاول اشعال فتيل الفتنة في بلادناااا

لازم نكونوا كونتر القنوات الإعلامية ........ قنوات نشر البلبلة والناس الي راهي تحرض وتقول راه صاري حوايج مكاش منهااااااااا

احنا لازم نكونوا يد وحدة باش ما تتشتتش بلادنا نبقاو كيما راه صاري عند إخوانا في مصر و تونس وليبيا وسوريا
ربي يكون في عونهم

قولولي بارك وشمن فايدة كيما نطالبوا بإسقاط النظام بالدمار والخراب والقتل والمقايسة

ونبقاو عايشين فالخوف........وكل وقت الرصاص والسراق دايرين حالة

وعلااااااااااااااش

وتانييي
حابة نصقصيكم

وعلاش كيما دخلوا ولاد القذافي هاربين ولجؤوا لينا احنا من شيم المسلمين نستقبلوهم ونحموهم لخطراكش الإسلام يقلنا هاكدااا وكيما راح على صالح للسعودية وزين العابدين وعلاش حتى واحد ما هدر وقال للسعودية احنا ندخلوا ليك وندوهم

وعلاش ما هدروش مع السعودية وقالولها خرجيهم من عندك

حلال عليهم وحرام عليناا

احنا مجتمع واعي ومتقف لازم نوقفوا وقفة وحدة

نهار سعيد سعدي كان حاب ينوضها ويشعهااا والرجالة وقفولوا في صدروا عييااا وحبس

والله غير رانا عايشين والحمدو لله راني عارفا الناس مدرورة وخاصهاا بزاف حوايج مي هاكا ولا كتر عندك وين ترقد خيرمن ما عندكش لقيت وش تاكل خيرمن مش لاقي كامل
والمشاكل دياولنا نحلوها وحدنااا

وبالنسبة للمواقع الي راهي تحرض وتحرش فالشباب حابة نقلهم ديروا وهدروا كيما تحبوا

شباب الجزائر مش حابين الخسارة لبلادهم وهوما الي وقفوا في وجه كل واحد حاب يشعلهاااا

ونديوا اليد فاليد ولازم نوقفوا في وجه مواقع الفايسبوك الي راهي تحرض والجزيرة الي راهي تهدر

والفالأخير حابة نقلكم
احنا بلادنا شابة ومليحة لازم ما نخسروهاش مهما كان عارفين الفساد كاين السرقة كاين مي راهي بارتو وش نديروا ربي يهديهم بارك مي تاني ربي ما يحبش المفسدين ولالا

نديروا اليد فاليد معااا نقولوا لا للثورة فالجزائر نعم للحلول السلمية

وكل واحد حاب الخير ويتمنى الخير

هادي صورة رمزية ولا توقيع تقدروا تحطوهااا ويكون الشعار ديالناا واحد اخطونا ياعرب ما تمسولناش بلادناااا

[ندعوك للتسجيل في المنتدى أو التعريف بنفسك لمعاينة هذه الصورة]

تفضلوا الساااااااحة راهي ليكم لازم كل واحد يقول راييوا

[ندعوك للتسجيل في المنتدى أو التعريف بنفسك لمعاينة هذه الصورة]

انا معك وضد ثووورة قالك ثورة 17سبتمبر والله شوية تع مهابل حابين يرجعوها كيما ليبيا ومصر وتونس

مكافهمش عشرية سوداء من اذان مغرب واحد مايدور
رانا عارفيين وشايفين وعايفين مي هادي الجزائر بلادنا نحبوها ونموتوا عليها

ولا لثورة 17سبتمبـــــــــــــــــــــــــــــــــــــــــــــــــــــــــــــــــــــــــــــــر

لالحرب نعم للامن واستقرار
بارك الله فيـــــــــــــك اختي على لفتة رائعة

» حملة تعليم الغة انجلزية كل يشارك ولايبخل قبل ان تفوت على موضوع يجب عليك مساهمة فيه
» عيدالاضحى واطباقه في بلادنا اممممممممممممممم
» حملة دعاء لطلبة البكالوريا
» موضوع مهم
» لكي لا تكتب موضوع مكرر