I need help plzzz

انا هادية جيت اليوم نحكيلكم حكايتي يالله بسم الله ....انا في الورقة تع الرغبات العام اللي فات درت علوم هي الخيار الاول و درت تقني رياضي °هندسة طرائق° الخيار الثاني و الاستاذ تع الفيزياء هو اللي نصحنا بهاد الشعبة و ماكونتش حابة نروح علوم باسك قالولي صعيبة خاصة الباك صافي قررت نروح °هط° ودوكا هادرولي قالولي بلي °هط° صعيبة ولي راحولها ندموا وهاد الشعبة تخصص رجال ووووو.....ودوكا راني حايرة مانحكيلكمش خير وراني نخمم نرجع علوم و رااني بزاااااف خايفة ساعدوني واش نروح و مدابيكم تمدولي البرنامج تع °هط° و les spécialitées apres le bac nch باش نعرف وين نروح... ربي يخليكم سااعدوووني Merci d'avance je vous adore <3

سلام عليكم



اهلا وسهلا بك اختي





مشكلة توجيه مشكلتنا كلنا انا حمدلله تع توجيهي حسب رغبتي شعبة علوم تجربية





لكن اسمحلي نقلك بلي غلطتي روحتي لشعبة نوعا ما صعيبة هط تنتمي لشعبة تقني رياضي

ديما نسبة نجاح قليلة اما علوم تجربية نسبة نجاح عالية كل سنة وتخصصات فيها انسب لك كونك انثى

انا من رأي ديري طعن وتبدلي شععبة اخرى تناسبك وتناسب مقدوراتك

ياريت تخبرينا بصراحة علامة رياضيات وفيزياء وتكنولوجيا وعلوم

ان شاء الله راح نساعدوك

انا دايرة علوم هي موسهلة بصح مشي صعيبة حطي راسي تجيبي غاية انا دايرتها ومن احسن ترجعي علوم لانو اختيارات هندسة عند ربحك بكلوريا ضئيلة اما علوم فهي كثيرة

روعة المنتدى كتب:

سلام عليكم



اهلا وسهلا بك اختي





مشكلة توجيه مشكلتنا كلنا انا حمدلله تع توجيهي حسب رغبتي شعبة علوم تجربية





لكن اسمحلي نقلك بلي غلطتي روحتي لشعبة نوعا ما صعيبة هط تنتمي لشعبة تقني رياضي

ديما نسبة نجاح قليلة اما علوم تجربية نسبة نجاح عالية كل سنة وتخصصات فيها انسب لك كونك انثى

انا من رأي ديري طعن وتبدلي شععبة اخرى تناسبك وتناسب مقدوراتك

ياريت تخبرينا بصراحة علامة رياضيات وفيزياء وتكنولوجيا وعلوم

ان شاء الله راح نساعدوك

شكرا جزيلا اختي روعة المنتدى على نصائحك القيمة لي
أما عن علاماتي السنوية في الرياضيات 11,88
في الفيزياء 13,93
في التكنولوجيا 15,30
في العلوم 12,88
أتمنى برك تزيدو تمدولي تخصصات تع هندسة طرائق بعد ربح الباك انشاءالله هكدا باش نعرف ايدا ماقبلوليش الطعن نكمل في هاد الشعبة و نسكت
شكراًًً مرة أخرى أختي {أحبك في الله أختااه}

amel1993 كتب:

انا دايرة علوم هي موسهلة بصح مشي صعيبة حطي راسي تجيبي غاية انا دايرتها ومن احسن ترجعي علوم لانو اختيارات هندسة عند ربحك بكلوريا ضئيلة اما علوم فهي كثيرة

شكرا جزيلا أختي امال على مساعدتك العطرة
حبيت برك نعرف كيفاش داير برنامج هندسة الطرائق في السنة الثانية

اه اختي علامات كل ملائمة لشعبة تقني رياضي



ننصحك كملي فيها بصح اجتهدي شوية



درك نجيبلك برنامج سنة ثانية اصبري عليا شوية مشغولة



حتى نحبك اختي هادية

روعة المنتدى كتب:

اه اختي علامات كل ملائمة لشعبة تقني رياضي



ننصحك كملي فيها بصح اجتهدي شوية



درك نجيبلك برنامج سنة ثانية اصبري عليا شوية مشغولة



حتى نحبك اختي هادية

Ok j'attend merciiiiiiii infiniment et je m'excuse pr le dérangement Grosse Bizzz