الراية الوطنية

لعلام

هب
شحال من ريح عاصف فاتــوا حــوال وتقلبوا حوال

فاتوا شحــــال
مـــن مواقف جـاو جيـــال وراحـوا جيال

طاحوا بلـــدان وربي
يلطف وحصرا شحال طاحوا رجال

وهو بـــاقي دايـــما واقف
هو هو ما حــــال مـــا زال

مزّال ديما فالســــما يرفرف
يامــــا ت ولـيــــالي طوال

فـــي كل دار فـــي كل سقف في
كـــل قلب في كـــل بـال

مزال لمّـــا قدامــــو تُوقف ما
تتلفّــــت يمين لا شمال

تتخشّـــــع وقلبــــــك يرجف
وَقفــــة تقديــــــر وإجــلال

لعلام حــــاجة مـــا تتنخلف
ولا حتـــى تتـــــباع بالمال

ما تتبــــدّل مــــــا تتسلـّف
أو لجيال يوصلوها للجيال

العالم كـــــامل بيــه ستعرف
وعادوا يضـربوا بيه لمثال

لما وقف في سـاحة الشرف وصمّــــد
قــــدام الاحتلال

والعالم كـــامل راهو عارف شحال طاحــوا
نسا ورجال

مليون وخمس ميات آلــــف كــــــانوا ثمن
الإستقــلال

الجزايري من بكري حــالف قسمـــــا بــــــالله
أو قـــال

غير علامــــنا يبقى يرفرف حتى نهـــــار يريبوا
لجبال

التـــــاريخ مـــــــا يتحـــرّف والتراب ما يتبــاع
بالمال

والنشيد ما يعاودش يتألــف والديـن هـــــو راس المال

وعلامنا
يبقى كيما تنوصف بــــاهي فـــي غاية الجمال

خضر وبيض
ومزخـــرف فالوســــط بنجـــمة وهلال

ملوّنين بلـــوّن
الشــــــــرّف بدم الشهـــــداء لبــــــطال

باش الي
يقـــرّب لينا يعرف واش يسواو النسا والرجال

والي حرقو
بـــربـــي نحلف لو كان شاف قــدامو خيال

تاع جزايري واحـــد
واقف ما كانش يدير هكذاك محال

تأليف فيصل كرشوش

كل الحقوق محفوظة